Свята працы і спорту

З урачыстай прамовай да сабраўшыхся звярнулася старшыня раённага Савета дэпутатаў Галіна Слабоднікава. Яна адзначыла, што Першамай быў і застаецца адным з самых любімых у народзе святаў — сімвалам веснавога абнаўлення, глыбокай павагі і высокай адзнакі чалавека працы. На Кіраўшчыне жывуць вельмі працавітыя людзі, падкрэсліла Галіна Слабоднікава, якія пацвярджаюць гэта сваімі дасягненнямі. Сёлета, у Год малой радзімы, адзначыла прамоўца, надышоў час не толькі ўспом­
ніць аб сваіх каранях, але і аддаць абавязак роднаму кутку. Наша агульная задача — зрабіць наш край утульным і ўзорным, захаваць добрыя традыцыі, закладзеныя многімі пакаленнямі жыхароў Кіраўшчыны, выхаваць любоў і павагу да працы і лю­дзей працы, пачуццё абавязку і адказнасці.

Затым прысутных павіншавала са святам старшыня раённага аб’яднання прафсаюзаў Алена Глекава.

Пасля мітынгу быў дадзены старт лёгкаатлетычнаму кросу на Кубак раённай газеты “Кіравец” і прызы прафсаюзных арганізацый. На старт выйшлі больш за 70 спартсменаў­
аматараў з працоўных калектываў раёна, устаноў адукацыі. Падтрымлівалі іх шматлікія балельшчыкі. Мужчыны пераадольвалі дыстанцыю ў 1,5 км, акрамя ўдзельнікаў узроставай катэгорыі 45­54 гады і 55 гадоў і старэй: ім, а таксама прадстаўнікам усіх узростаў сярод дзяўчын і жанчын патрэбна было прабегчы 1 км.

Барацьба паміж спартсменамі­аматарамі разгарнулася гарачая і напружаная. Прадказаць пераможцаў у забегах далёка не заўсёды было магчымым. І ўсё ж прызёры мінулых гадоў зноў пацвердзілі свой статус фаварытаў. І, у першую чаргу, гэта тычыцца камандных спаборніцтваў. Стабільна шмат гадоў запар першае месца заваёўвае зборная ААТ “Рассвет імя К.П.Арлоўскага”. Адзначым, што пераходны Кубак “Кіраўца” за гэтыя перамогі не аднойчы быў падораны рассветаўцам назаўсёды: па ўмовах, так адбываецца, калі каманда выйграе прыз тры гады запар. Сёлета зборная з названага сельгаспрадпрыемства зноў не пакінула шанцаў сапернікам і стала пераможцай першамайскіх спаборніцтваў. Галоўны рэдактар раённай газеты “Кіравец” Наталля Хадакова ўручыла Кубак і дыпломы рэдакцыі і фізкультурна­спартыўнага клуба раёна капітану рассветаўцаў Яўгену Пішчаліну.

Другое месца заняла зборная Жыліцкага сельгаскаледжа, трэцяе — каманда цэнтральнай райбальніцы. Ім таксама былі ўручаны дыпломы адпаведных ступеней.

У асабістым заліку пераможцы і прызёры адпаведна ў жанчын і мужчын размеркаваліся наступным чынам: ва ўзроставай катэгорыі 14­17 гадоў — Юлія Калінава (СШ №1), Дзіяна Завяршынская (СШ №1), Надзея Арэшка (Жыліцкі сельгаскаледж), Ілья Бранішэўскі (ЦРБ), Віталь Гунін (Жыліцкі сельгаскаледж), Аляксей Асташоў (Жыліцкі сельгаскаледж); 18­29 гадоў — Лізавета Апсіт (райспажыўтаварыства), Ганна Малькова (Жыліцкі сельгаскаледж), Аляксандра Гушчына (ПМК­255), Антон Рымараў (Жыліцкі сельгаскаледж), Максім Сулімскі (ПМК­255), Віктар Бялянаў (ФСК); 30­44 гады — Настасся Русанава (СШ №1), Алена Шалыгіна (ААТ “Рассвет імя К.П.Арлоўскага”), Ірына Завяршынская (ПМК­255), Васіль Цітарэнка (Жыліцкі сельгаскаледж), Андрэй Харытонаў (РАНС), Юрый Завяршынскі (ПМК­255); 45­54 гады — Вера Гаўрылава (ААТ “Рассвет імя К.П.Арлоўскага”), Ганна Бяляўская (РАПТЗ), Наталля Курбыка (райЦГЭ), Андрэй Бяляўскі (ААТ “Рассвет імя К.П.Арлоўскага”), Сяргей Стэльмах (ЦРБ); 55 гадоў і старэй — Антаніна Міхайлоўская (ААТ “Рассвет імя К.П.Арлоўскага”), Ніна Малашкіна (РАПТЗ), Уладзімір Грамыка (ААТ “Дабаснянскае”), Алег Дворкін (ЦРБ).

Усім пераможцам і прызёрам былі ўручаны дыпломы адпаведных ступеней і каштоўныя падарункі ад прафсаюзных арганізацый.

Удзельнікі лёгкаатлетычнага кросу Васіль Цітарэнка, Антаніна Міхайлоўская і Алег Дворкін у якасці асабістых падарункаў за актыўны ўдзел у спаборніцтвах атрымалі падпіску на раённую газету “Кіравец” на 3 квартал бягучага года.

Падчас правядзення спаборніцтваў працавала палатка, арганізаваная фізкультурна­спартыўным клубам раёна, дзе жадаючыя маглі пачаставацца гарачым чаем з пячэннем. На плошчы імя Кірава быў арганізаваны гандаль райспажыўтаварыства. Шматлюдна было і каля раённага Дома культуры, дзе праводзіліся дзіцячая гульнявая і спартыўная праграма, конкурс юных выканаўцаў, выстава дэкаратыўна­прыкладнога мастацтва, розыгрыш латэрэі, конкурс дзіцячых малюнкаў.

Аляксандр ХАХЛОЎ, фота аўтара.

Газета «Кіравец»